Bie de bakker Verhaal 2
As mien vader geld ewisseld wol hebben, meestal was dat een briefje van honderd gulden, dan mos dat altied bie Ome Johan de bakker gebeurn. Den had vólle klein geld in de geldtasse van het brood venten. Ik worden d’r nog wel is hen estuurd, daor ging ik graag hen, dan kwam ik de bakkerieje binnen en zei dan, mien vader wil graag honderd gulden ewisseld hebben kan dat? En dan zei Ome Johan elke keer weer, ik wet nit of ik wel zo völle geld hebbe, wat hef oe vader völle geld, dan pakte hé zien geldtasse en zei dan wie zult zeene wat ik heb. Hé pakten dan een voes vol met papiergeld uut de tasse, en stok de voes met ’t geld naar veuren en zei dan martha, doej ’t hierveur, of zulle wiele ruilen, ik durfden dat nooit, zei dan nao effen naodenken, nee dat doe ik nit, ik dufden nit, maor ik wet zeker as dat ik jao e-zegd zol hebben, ik met völle meer geld in huus was ekommen as die honderd gulden die mien vader mien metegeven had.
Martha