Ik heb boven op zolder een deuze staon met allerlei spullekes waor ik maor moeilijk afstand van kan done. Het meeste kump van mien olders huus en ok van mien opa en opoe de olders van mien moeder maor ok van mien vaders kante. Het is old heel old. Vanmorgen was ik al bietieds wakker en dan kom ie an het denken wat mot ik der met, naor de kinderen ja dat meugt ze hebben, maor wat veur waerde hecht hun er an niks niemendal niks. Ik gao het wel vraogen. Ze kent het verhaal nit en dat is mien zo dierbaar.
Ik leg de vorke naost mien neer en dan zie ik mien vader an tafel zitten etten. Hé hef een speciale vorke dat is ziene vorke den mag niemand gebruuken daor is dr ok maor ene van het geet dr umme dat wie t altied zo knap vind dat he zich daor nooit is met in de lippen prikt of stekt. Namelijk die vorke is vliem scharp, 4 tanden zit eran uutlopend naar hele scharpe punten. Wie kinderen kiekt geregeld of het wel goed geet. En dat zegge wie dat ok wel. Pappa doe ie wel voorzichtig en dan greult he dat vind he mooi!! Maor he et behendig deur.
Later als ‘t etten op is dan mos er afewassen worden. Moeder hef etten ekokt , en wie als kinderen mot um de beurten helpen de taofel afruumen, de afwas op een mooi zwart wit granieten aanrecht zetten eentje mos d’r afwassen en het aanrecht schoonmaken en een ander ging dan afdreugen en de afwas opruumen, dat was onze taak. Borden worden als stapel in de afwas bak gezet en dan afwassen en afdreugen als de borden dr uutbunt dan word het bestek vorken en leppels in de bak gegooid alles bie mekare in. Dan gebeuren het vake dat als wie met de hand in de bak gingen umme de vorken te pakken dat wie in dat vliemscherpe vörksken van mien vader greppen en dat onze vingers bloeden, altied maor weer.
Wie heb vake ebromt, doe dat ding toch is weg en gebruuk een andere vorke maor nee heur deze mos t wezen. Nadat mien olders overleden bunt mosse wie ’t huus opruumen , in de keuken la lag edoar tussen het mooie bestek in, Een onooglijke vorke lelijk en scherp. Ik heb hem metenommen dit is een vorke met een verhaal. Ik heb ok een old mes metenommen maor daor heb ik geen verhaal bie. Dit kump noe wel naar mien boven. Pappa ik mis oe. Wat hield ik völle van oe en ik wet ie van mie. Messen gebruukte wie niet ja eentje veur moeder veur t vleis snieden.
Dit is het verhaal van de vorke van mien vader. Noe blif dat bestaon!!!!
Martha.
Mien vader kon dr ok nog heel vlug mee etten. Wie zaten vake met gespannen snuutjes te kieken of dat welgoed ging vleis an de vorke stukske aardappel en raps naor de mond.