Den Sinterkloas kump hier nit weer,
Sinterklaos hef bie ons ewest
Verteld mien Piet van scheve Nol
En ak der achteraf an dëënke
Heb ik toch ook nog wel weer lol,
Hei kwam binnen en höw slut daollek
Met de staf twee vazen van de kaste
De moor zwarte Piet këëk zuunig en zeer hellig
Een duren Sunterkloas das vaste
Ik heb klaos is goed bekekken
En he had een bokse an
Ik dach den ken ik met dat peerse
Dat is “t pyama van ons Jan
En zwarte Piet dat was een raren
He had een kop zo zwart als git
Maor toen hem ‘m dat een betjen verschoof
Had he de nekke helemaol wit
Hee had ok een grote zak
En daor zwaajn he met in het rond
Maor ik zag toch in de gauwte
Het was een zak van de boerenbond
De Sint zien snorre viel in de koffiekomme
Den worden der rap weer uutgevist
En toen vloug hem de baord in braand
Den hebben wie met koffie uut esist
Ik kreeg een niejen wollen borstrok
Nao dat viel mien lelijk tegen
Den had ik zonder Sinterklaos
Toch wel van ons Moe ekregen
Wieders kreeg ik een spekelaaspop
En daor was de kop al af
Nee ik vind dat Sinterklaosfeest
Was bie ons een grote sof
Toene vot ging zei hij ook nog
Dan maor töt een volgend keer
Maor ons va zei efkes later
Den Sunterklaos kump hier nit weer.
Geschreven door Graads.