BLAOSONTSTEKKING
Ik heb een flinke blaosontstekking en ik heb daor al een dag te lange met gewacht umme daor met naor de dokter te gaon. Zundag gekregen op de fietstocht van klavertje vier 2 dagen fietsen vanuut ons dorp hengelo met een g erachter. Aoverdag en ’s nachts krampen in de boek en dan maor weer naor de WC. Wat keren kon ik het helemaole nit ophollen onder en boaven bokse nat kletsnat. Maondag de doktersassistente ebeld. En het probeem uutgelegd. Wie meugt de plas kommen brengen. Mien man Evert breg het weg en krig de boodschap met nao 1 uur mag ik bellen met de praktijk veur de uutslag. Maor ondertussen zit ik met een veur mien groot probleem ik kan mien plas nit ophollen en bun elke keer nat, ik heb wel verband maor dat is veur 2 druppels lekkage en nit veur alsof de bekke leug stroomt.
Het is net 1 uur en wil ik bellen maor Evert zeg wacht nog maor effen. Dat doe ik tut 10 oaver 1ne . Inmiddels wet ik dat ik eest het hele bandje af mot luusteren maor dat doe ik dus nit, ik mot toets 3 indrukken dat doe ik dan noe. Ja met de praktijk van het Raadhuis met Jantien. Ik zeg wie of ik bun en vertel waarumme of ik bel dat ik graag de uutslag wil hebben eerst vraogt ze naor de geboorte datum. Het klopt allemaole ik zit in de computer. Ja Mevrouw, U hebt een flinke blaasontsteking. U krijgt een antibiotica kuur voor 5 dagen 2 op een dag elke 12 uur eentje innemen met water. U mag nu naar de apotheek ze liggen klaar. Ik bedank heur dat is ons dan zo eleerd.. Evert haalt de tabletjes op en ik mot er meteen eentje innemmen en vanavond nog weer ene.
Zo, zo wied bun ik dan weer. Ik mot nog vake plassen en het dut heel zeer. Noe heb ik Evert evraogd of he naor het kruidvat wil gaon um veur mien incontinentie verband te halen, want veur mien probleem daor is verband veur in alle soorten en maoten nat wezen dat hoeft tegenwoordig nit meer. Uit gelegd wat ik graag wil hebben grote verbanden. Evert geet het is nit fijn um te vraogen maar zelf kan ik nitgaon. Evert kump terug met het goeie spul maor wat bunt ze groot! Ik leg er ene in mien onderbokse dat veult fijn an dan word ik nit meer nat.’S Avonds bie het naor bedde gaon is Evert bezig met zien stoma nachtzak an te sluuten en als dat klaor is geet he in bed liggen en ik kroepe ok in bed en zegge zo daor kom ik an met mien mooie pampus kontje.
Wat zeg ie noe toch zeg Evert en ik herhale daor kom ik an met mien pampus kontje. Hé snapt er niks van. Dan leg ik uut dat ik mien net een kleutertje veule met zo’n pampus luier an, dat zie’j op televisie ook. . Ik vind dat altied zo mooi gezichte dat kleine spul wat daor rond krup. Wie hebt schik wie lacht met mekare. Ja wie hebt deze problemen daor kunne wie niks an veranderen en moeilijk done hef gin enkele zin. Wie knuffelt mekare is goed, Evert zeg ik hol van oe en ik zegge ik hol van oe Evert.Wie doot ’t lempke uut en wie goat sloapen. Ik heur nog héél zachtjes Martha ik hol héél vullu van oe.
Martha mei 2021