Hier nog een biezonder stukske aover Opoe,
A’j met Opoe an de babbel waren en a’j het dan aover heur hoge laeftied hadden dat vond ze mooi. Dan zei ze altied ik wil honderd worden en gin dag older. Ja dat ku’j wel willen maor daor he’j nit zo völle oaver te vertellen. Een wekke of zesse veurdat ze honderd werd is ze gevallen, in het verzorgings huus waar ze woonde. En jao heur Opoe hef eur heup gebrokken !!! En dat mos naor ’t ziekenhuus, ik kan mien niet herinneren of ze het naar vond en of ze völle piene had ik wette het nit. de verjaerdag naderde. Zol ze dan toch nog de honderd halen of net nit. De gedachten van opoe worden wel een betje warrig, Het werd 17 juli, Bie het ziekenhuus is de vlag gehesen en wappert mooi in de wind. Veur Opoe, ze hef ’t ered honderd jaor geworden ie konden van de wiedte al zien dat er iets bijzonders was. Dat was het ok. Ze kreeg héél völle bloemen, kaarten, zelfs een brief van koningin Juliana. Een journalist kwam veur een interview en vraoggesprek van hoe word ie honderd en foto’s maken van en een artikeltje schrieven veur de krante. Op eur kamer waren slingers opehangen en daor tussen al die feestelijke versierselen zat opoe op een makkelijke stoel ezetten later lag Opoe in bed, Ome Gerrit, Ome Wim en mien moeder waren d’r bie. Wiele de kleinkinderen en achterkleinkinderen mochten um de beurten effen bie opoe an het bedde kommen zitten um eur te feliciteren. Ze vond het prachtig, en wat waren wiele allemaole blie en trots op eur. Daor kregen wie een sapje en lekkere hapjes deur de mensen van de keuken verzorgt en aan geboden En wiele konden gezellig met mekare praoten.
Maor Opoe zakte steeds wieter met de gedachten weg. De ander dag is Opoe aoverleden. Precies 100 jaor en gin dag older. Hoe ku’j ’t bedenken, zo mooi, tussen de slingers kaarten bloemen en lekkere hapjes en alle mensen die Opoe lief waren wegglieden in het land van de dood.
Rust zacht lieve Opoe
geschreven deur kleindochter Martha 3-2-2024