Veurjaorsaovend
Gisteraovend hebt Evert en ik nog lange buuten ezetten.’t Was een mooie warme aovend. De vogels zongen met en veur mekare; Meikevers vlôgen um ons hen kwamen uut de beukenboom hadden daor lekker van de blaadjes egetten rondje vliegen en dan de boom weerin. Ok zaggen wie dat er een koolmeesje een meikever uut de loch grep, pikken um een paar keer achter de kop, de meikever was meteen dood, toen was e veur het koolmeesje makkelijk um met te nemmen. De natuur is mooi maar wreed het koolmeesje had wel voer veur ziene hongerige kleintjes.
Evert begon te vertellen oaver meikevers, ze nammen ze vrogger met naor schole wat blaadjes in een potje meikevers d’r bie in er waren ok nog verschillende soorten, Evert ruilden meikevers veur kneupe .Ze hadden vier soorten ie hadden, de Bakker , den had witte strepen op de rugge , daor kregen ze 3-4 kneupe veur, dan haj de Mulder den was gries daor kregen ze ok 3-4 kneupe veur, dan haj de koning den had iets roods op de kop daor kregen ze 6 kneupe veur, en dan was er de dominee glad bruun glom heel hard, den koj rechtop zetten en dan maajen dat ding hard met de veurpeutjes rond, daor kregen ze 10 kneupe veur.
Later gingen de jongens kevers ruilen veur centen, daor deden hun niet aan mee, geld was d’r immers thuus nit. De jongens die dat wel deden mossen op een gegeven ogenblik ’t geld an de schoolmeister geven, dit mocht nit, de meister sturen ’t naor de zending! Noe ik dit an ’t schrieven bun bedenk ik mien wat moj met kneupe done ik heb ’t evraagd an Evert hé zeg mien mooder was daor héél blie met. Het ging bie in een hoge knopenblik .Veur ie wet maor nooit, wanneer ie is een knoop neudig hebt.
Gelezen op Wikepedia dat is de computer:
Door kinderen gespeeld spelletje hierbij werd een pootje van de meikever aan een touwtje gebonden waarna de kever werd “vrijgelaten”. Diegene waarvan de kever het hoogste vliegt heeft volgens de regels gewonnen.
MEIKEVERSOEP. Word veel gegeten in Duitsland en Frankrijk en Rusland, Meikevers ontdoen van vleugels en poten, in roomboter aanbraden en in kalfs of kippenboillon laten trekken, of de meikevers eerst in een vijzel fijnstampen en dan door een zeef wrijven en met een roux en wat eigeel binden de soep aanvullen met plakken kalfslever of duivenborst. EET SMAKELIJK.
Martha.