Mien vader en moeder bunt allebei overleden, mien  moeder ’t laatste. Naodat wie onze moeder wegebracht hadden, mos wie met zien allen ut huuske opruumen, vier kinderen met anhang en twee kinderen van mien te jong overleden zuster. Dan kump alles van ’t zolder af en de kasten uut, en ’t spul mot worden verdeeld,’t is allemoale goed egaone, de één wol graag dit en een ander dat, ’t is maor waor of ie zelf de meeste herinneringen an hebt. Wie hebt raar ezeg met mekare mooie dagen in dat huuske van mien olders ehad. Mien moeder had völle bewaard, héél völle zelfs, zo stond er op zolder nog een olde rugzak, die had ik al is ekregen veur mien vejaordag.

Toen ik um zag staon worden ik helemaole warm van binnen, dat den d’r nog was. Benieuwd wat zol d’r nog inzitten?
Ik deed um lös en kek d’r in, leug, niks zat er meer in, betje teleurgesteld, maor ik heb ‘m metenommen naar huus en naost mien stool , waor ik meestal in zitte neerezet. En dan kom ie an ’t prakkezeren, daor zit wel wat in, héél völle zelfs vol met herinneringen, herinneringen van vrogger,van thuus, héél waerdevol, ik zal daor ens wat van verteln.

Martha.                            

Geschreven  December 2000 .