Opoe’s eerste visite.
Vrogger op schole als deerntjes onder mekare, ha’j het er wel eens oaver. Heb ie ’t al vroegen ze dan, betje fluusterend, geheimzinnig en grinneken heuren daorbie. Nee ik nog nit, die en die al wel. Wie neumen ’t heb ie opoe al op visite ehad, en dan wist ie wel wat er mee bedoeld werd. Er waren deerntjes die precies wisten wat er met ons ging gebeuren, zo rond een jaor of twaalf. Zo kreeg ik mien beperkte veurlichting. Op ’t schoolplein tussen ’t knikkeren en touwtje springen deur, ik weet nog dat ik op de huusholdschole zat, dat ik op een morgen wakker worden en veulen hier is iets niet goed met mien, ik was wat nattig van de onderkante, en had een zeurdige piene in de boek, ik kek al is in mien onderbreukske en schrok mien een hoedje, blood , blood in mien onderbokse , ja en toen was ’t zo wiet, ik had het, ja opoe had ik op visite ekregen, ja wat noe, mien moder hef mien nooit daor ok maor iets van verteld, en noe zol ik toch an mien moder motten vertellen wat of er met mien an de hand was, umgedraajde wereld.
Het zweet brak mien uut. Ik met lood in de bene naor beneden, naor de kökken eerst maor is wat etten, mien ogen volgden mien moeder ik most eur wel zien te sprekken te kriegen, als ze allenig was, ’t was wel moeilijk ik durven nit maor zo naor schole te gaon, ging ok nit, Moeder liep naor de biekeuken en ik der achteran, noe vooruit dan maor. Mamma zei ik zacht, ze heurn mie nit, ik iets harder Mamma!!!! Jao zegt ze, ze draajt zich umme en kik mien an, ik heb blood in mien onderbokse, oh zei ze, gaot maor naor de wc ik kom zo weer bie oe, ik naor de wc, mien moeder naor boven, ik had al welis stiekum op de slaopkamer van heur in de kaste esnuffeld en die lappen ezeen waor ze ’t op schole overhadden, nou ik was benieuwd. Daor was ze weer terugge en ik kreeg een gordeltje den mos ik um mien boek doan, daoran zaten lipkes, op die lipkes mosten officieel knopen zitten, maor die zatten hier nit an, toen den goed zat, kreeg ik maondverband,’t zelfde wat bie eur en ok bie mien oldste zuster op de slaopkamer lag, doe dat maor in de bokse en met een veiligheidsspelde mos ik dat an de veur en achterkante an dat lipke vaste maken een héél gepruts.
Moeder hef wieter geen woord meer ezeg, en ik had toch nog héél wat te vraogen, en ze had mien achteraf héél wat te vertellen, ze deed ’t nit. Toen mos ik naor schole op an, onderweg op de fietse vertellen ik ’t al is tegen een deerntjen die ik graag mocht. Ik heb opoe op visite, ze wist meteen wat of ik bedoelen, ik veuln mien groot en stark. Den dag bun ik héél vake naor de wc ewes umme te kieken of ’t ok deur de kleren hen kwam, daor was ik toch wel bezorgd oaver dat was nit het geval, terugge in huus hef moeder uut heur eigens mien meer verband egeven, en een emmer met soda water, daor mos ik de läpkes in doon. ’t mos bie mien op de slaopkamer staon. Dat was ’t van moeders kante, en ach wieter ik heb mien wel ered,’t had anders gekunt, maor ’t ging nit anders, als deerntje maor ok later als vrouw ziende is ,,opoe op visite hebben een goed smoesje ewes veur vulle dingen waor ik echt gin zinne in had um te doon.
Martha.