Op een dag toen mien breur Gerrit uut schole kwam, zei moeder tegen um dat hé naor Lochen mos um daor bie de bakker een roggebrood te gaon halen.
Bie ons in Barchem koj ok wel roggebrood kriegen, maor die uut Lochem vond ze lekkerder.
Dus mien breur naor Lochem op zien fietske en hef daor een roggebrood ehaald, ’t was nog vers had de bakker tegen um gezegd, mien breur hef ’t roggebrood op de bagagedrager eleg en daoroaver hen een zo goed as nieuwe snelbinder, zo blif ’t wel zitten prakkezeerde hé nog in zichzelf.
Bie huus weer anekommen, moeder liep al naor buuten, um ’t roggebrood an te pakken, en ze kik en ze kik nog is en zut maor een half brood zitten. Waor is de andere helfte vrug ze an mien breur en zut um is goed in de ogen. Den begon wel een betjen naar te kieken, hé had d’r toch zelf een heel onder edaon en ja d’r was echt nog maor een halven oaver.
Wat was er noe gebeurd? De snelbinder was zo strak en het roggebrood zo vers dat het brood “gewoon”deur midden esneden was. Wie hebt er met zien allen umme motten lachen.
Martha.