Prutsen,
ÉÉN van de meest veur kommende hobby’s van achterhoekers is ‘’prutsen…’’
Een betjen prutsen in de schure,
Een betjen prutsen in de tuin
prutsen an de crossmotor,
prutsen an de cross auto,…
Op de middelbare landbouwschool vroeg de meister an ons wat de hobby’s zoal waarn… 99% van de antwoorden was…:,,ag…een betjen prutsen in de schure…dus et klopt…
De bromfietse van de kleine piraat liep nao een betjen prutsen in de schure 120 km p/u…
De trekker van Gerrit Esselink….had nao een betjen prutsen in de schure 150 pk…van de oorspronkelijke 65 pk…
Nao een betjen prutswerk was carbid vervangen deur gas en zuurstof, of werd er een vlammenwerper uutgevonden um redelijk veilig wespennesten uut te roeien…
Vrogger zaten wiej bes vake biej mekare, um met mekare argens in een olde schure te “prutsen”,
Der is van alles an mekare gebroajen…gesleppen, getimmerd, uutgevonden afgebroaken, en weer opgebouwd…God mag et wetten…haha…
Wiej zun der neet dommer van geworden…
Hier en daor een litteken een halve poot of vinger der “bienao af”
Alles hef een verhaal, die verhalen wordt ook vaak verteld… Umdaj et samen belaeven…met zien allen…
Elk litteken hef zien eigen verhaal, en met een borreltje der bie word de verhalen steeds mooier…
Prutsen in de schure wat was et mooi…en nog steeds!!!
Dus…onderschat et niet, de meeste prutsers bunt slimmer daj denkt.
Pruts maor mooi vedan. Wie kriegt gebrek an prutsers.
Groeten van Opa.